سوشل میڈیا صارفین نے ایک بار پھر کمال کردیا، خود بالی وڈ کے نامور اداکار انیل کپور بھی حیران رہ گئے۔
تفصیلات کے مطابق سوشل میڈیا صارفین نے عالیہ بھٹ، ایشوریہ رائے اور دیپیکا پڈوکون کے بعد اب انیل کپور کا بھی ہم شکل ڈھونڈ نکالا، فوٹو اینڈ ویڈیو شیئرنگ پلیٹ فارم انسٹاگرام پر ان کے کولاج کی دھوم مچی ہوئی ہے۔
انیل کپور کے ہم شکل ایک امریکی فٹنس کوچ ہیں جس کا نام جان ایفر ہے، انہوں نے گزشتہ دنوں اپنی ایک تصویر انیل کپور کے ساتھ کولاج بناکر شیئر کی تھی جو کہ دیکھتے ہی دیکھتے وائرل ہوگئی۔
یہ بھی پڑھیں: ’لوگ مختلف چہرے دکھاتے ہیں‘
جان ایفر نے بتایا کہ ان کے والد کہتے ہیں کہ یہ ’بچہ‘ ایک عظیم اداکار ہے، اس تصویر کے کیپشن میں انہوں نے انیل کپور کو ٹیگ کرتے ہوئے لکھا کہ وہ بالی وڈ سے آفر کے منتظر ہیں، انیل کپور کہاں ہیں؟۔
تصویر وائرل ہونے کی دیر تھی کہ سوشل میڈیا پر ختم نہ ہونے والا ایک سلسلہ شروع ہوگیا، جان ایفر کی اس تصویر کو 59 ہزار سے زائد صارفین لائک کرچکے ہیں جبکہ کئی سوشل میڈیا صارفین اس پر دلچسپ کمنٹس کر رہے ہیں۔
View this post on Instagram
