معروف بھارتی اداکار رشی کپور کے بیٹے رنبیر کپور کی نئی فلم ”اینیمل“ نے صرف 5دنوں کے دوران 283 کروڑ کما لئے، یہ ان کی دوسری سب سے زیادہ کمانے والی فلم بن گئی ہے۔
رنبیر کپور کی نئی فلم ”اینیمل“ نے ریلیز ہونے کے 5 دن بعد بھی باکس آفس کر اپنے نرغے میں لئے رکھا، Sacnilk.com کے ابتدائی تخمینوں کے مطابق، فلم نے ریلیز کے پانچویں دن، ہندوستان میں 38.25 کروڑ کمائے۔ جبکہ فلم 300 کروڑ کے کلب کی طرف بڑھ رہی ہے۔
منگل کو فلم ”اینیمل“ نے اپنے ہندی ورژن کے لیے مجموعی طور پر 42.51 فیصد کا قبضہ ریکارڈ کیا۔ فلم کا ٹوٹل بزنس 283.74 کروڑ روپے ہوچکا ہے۔ سنجو کے بعد یہ فلم فی الحال رنبیر کپور کی ہندوستان میں سب سے زیادہ کمائی کرنے والی فلم ہے۔
دوسری جانب اینیمل نے عالمی باکس آفس پر 400 کروڑ روپے کا ہندسہ عبور کیا۔ تازہ ترین اطلاعات کے مطابق، فلم نے عالمی باکس آفس پر کل 425 کروڑ روپے کمائے۔
E few seconds mv lo ledhu anukunta ga wait chesa idhi vastadi emo ani..#AnimalMovie pic.twitter.com/DtU6LPA5lB
— VIHU Reddy (@VihuTweets) December 1, 2023
واضح رہے کہ فلم ”اینیمل“ کے ستاروں میں رنبیر کپور کے ساتھ انیل کپور، بوبی دیول، رشمیکا مندنا، ترپتی ڈمری، سریش اوبرائے، شکتی کپور، اور پریم چوپڑا شامل ہیں۔
اینیمل کے ڈیلیٹ سین سوشل میڈیا پر وائرل
اینیمل کی باکس آفس پر کامیابی کے بارے میں بات کرتے ہوئے فلم میں ولن کا کردار نبھانے والے بوبی دیول حال ہی میں میڈیا کے سامنے جذباتی ہو گئے۔ انہوں نے کہا، ”بہت شکریہ۔ خدا واقعی مہربان ہے۔ اتنا پیار مل رہا ہے اس فلم کے لیے مجھے ایسا محسوس ہورہا ہے کہ میں خواب دیکھ رہا ہوں۔
