ٹوکیو: جاپان میں اینیمیٹڈ فلم ڈیمن سلیئر نے باکس آفس پر ریکارڈ قائم کرتے ہوئے دس روز میں 10 ارب ین کمالئے۔
بین الاقوامی میڈیا کے مطابق یہ فلم ایک مشہور مانگا سیریز سے ماخوذ ہے جو ایک ایسے لڑکے کے بارے میں ہے جو جاپان میں ایک صدی قبل جنات سے لڑتا ہے۔
کِمیتسُو نو یائیبا یا ’ڈیمن سلیئر‘ نامی فلم کی مقبولیت کا اندازہ اس بات سے لگایا جاسکتا ہے کہ اس فلم نے دوہزار ایک میں پیش کی گئی تصوّراتی اینیمیٹڈ فلم اِسپریٹیڈ اوے کا سب سے زیادہ بزنس کرنے کیا ریکارڈ پاش پاش کردیا ہے، اِسپریٹیڈ اوے نے پچیس روز میں دس ارب ین کا کاروبار کیا تھا، مگر ڈیمن سلیئر نے یہ ریکارڈ توڑ بزنس صرف دس روز میں حاصل کرلیا ہے۔
اس فلم کے منتظمین کا کہنا ہے کہ سولہ سے پچیس اکتوبر کے دوران اس فلم کو تقریباً 80 لاکھ افراد نے سینما گھروں میں دیکھا ہے، جس کے نتیجے میں تقریباً 9 کروڑ 50 لاکھ ین کمالئے گئے ہیں۔
منتظمین نے اس فلم کی کامیابی کی وجہ تمام عمر کے لوگوں میں اصل کومِک بُک کی مقبولیت کے ساتھ ساتھ ایک مشہور ٹی وی سیریز کو قرار دیا ہے، ساتھ ہی انہوں نے واضح کیا کہ یہ فلم اس وجہ سے بھی کامیاب ہوئی ہے کہ اسے سینما گھروں کی بڑی تعداد میں دکھایا جا رہا ہے کیونکہ کرو نا وائرس کی عالمی وبا کے باعث نسبتاً چند فلمیں ہی سینما گھروں میں دستیاب ہیں۔
