The news is by your side.

Advertisement

لندن : داعش کے حامی برطانوی مبلغ انجم چوہدری رہا

لندن : برطانوی پولیس نے عالمی دہشت گرد تنظیم داعچ کی حمایت کرنے کے جرم میں قید سخت گیر برطانوی مبلغ انجم چوہدری کو جمعے کے روز رہا کردیا۔

برطانوی خبر رساں ادارے کا کہنا تھا کہ تھا کہ عدالت نے 51 سالہ انجم چوہدری اور انکے ساتھی میزان الرحمان کو سنہ 2016 میں ساڑھے 5 برس قید کی سزا سناتے ہوئے جیل منتقل کرنے کا حکم دیا تھا تاہم آدھی سزا مکمل ہونے پر پولیس نے چوہدری کو رہا کردیا۔

مقامی میڈیا کا کہنا تھا کہ برطانوی حکام نے انجم چوہدری کو رہا کر دیا ہے لیکن سخت گیر مبلغ پولیس کی مسلسل نگرانی میں رہیں گے۔

مقامی خبر رساں ادارے کا کہنا تھا کہ برطانیہ کے دارالحکومت لندن کے مشرقی علاقے الفورڈ سے تعلق رکھنے والے 51 سالہ مسٹر چوہدری ال مہاجرون نامی شدت پسند گروپ کے سربراہ تھے جسے برطانوی حکام نے کالعدم کیا ہوا تھا۔

برطانوی میڈیا کا کہنا تھا کہ پانچ بچوں کے والد نے کوئی دہشت گردانہ حملہ نہیں کیا تاہم انہیں برطانیہ کا انتہائی خطرناک شدت پسند قرار دیا گیا ہے۔

برطانوی خبر رساں ادارے کا کہنا تھا کہ مقامی قانون کے مطابق برطانوی مبلغ انجم چوہدری کو پولیس اور ایم آئی 6 کی سخت نگرانی میں باقی سزا کمیونٹی کے لیے خدمت کرکے گزارنی ہوگی۔

برطانوی خبر رساں ادارے کا کہنا تھا کہ اس دوران انجم چوہدری پر تبلیغ اور کچھ مساجد میں شرکت کی پابندی ہوگی اور وہ صرف ان لوگوں سے ملاقات کرسکیں گے جنہیں حکام کی جانب سے اجازت دی جائے گی۔

مقامی میڈیا کا کہنا تھا کہ دہشتگرد تنظیم داعش سے آن لائن وفاداری کا حلف اٹھانے والے برطانوی مبلغ صرف ایک فون کا استعمال کرسکیں گے جبکہ بغیر اجازت انٹرنیٹ استعمال کرنے پر بھی پابندی ہوگی۔

برطانوی حکام کا کہنا تھا کہ انجم چوہدری گریٹر لندن سے باہر نہیں جاسکتے اور برطانیہ چھوڑنے کی بھی اجازت نہیں ہے۔


مزید پڑھیں : لندن: داعش کے حمایتی مبلغ انجم چودھری کو ساڑھے 5 سال قید کی سزا


خیال رہے کہ دہشتگرد تنظیم داعش سے آن لائن وفاداری کا حلف اٹھانے والے 51 سالہ انجم چودھری کو ساڑھے پانچ سال قید کی سزا سنائی گئی تھی، پولیس کا کہنا ہے کہ مبلغ انجم چودھری کے پیروکاروں نے برطانیہ اور دیگرممالک میں حملے کیے ہیں۔

برطانوی عدالت نے انجم چودھری کے ساتھ انکے ساتھی میزان الرحمٰن کو بھی ساڑھے پانچ برس ہی کی سزائے قید سنائی تھی۔

Comments

comments

یہ بھی پڑھیں