لاہور : مسلم لیگ ن کے کلچرل ونگ کے صدر طاہر انجم نے اپنے ساتھ پیش آنے والے واقعے کا سارا قصہ بیان کردیا۔
تفصیلات کے مطابق پی ٹی آئی کی ورکرنیلی پری نے بھوک ہڑتالی کیمپ کے باہر ن لیگی کلچرل ونگ کے رہنما طاہر انجم کا گریبان سے پکڑ کر تھپڑ مارے، منہ نوچا اور کپڑے بھی پھاڑدیے۔
واقعے کے بعد ن لیگی رہنما کا پہلا بیان سامنے آگیا ، انھوں نے اے آر وائی نیوز سے گفتگو میں کہا کہ میں بچوں کیساتھ پنجاب اسمبلی کے سامنے سے گزررہاتھا، نہیں معلوم تھاپی ٹی آئی کے10،12لوگ بیٹھ کرانقلاب لارہے ہیں، رش دیکھ کرگاڑی آہستہ کی توآگےدوخواتین میری طرف نکلیں اورمارناشروع کردیا۔
ان کا کہنا تھا کہ دونوں خواتین بھوک ہڑتالی کیمپ سے میری طرف آئی، دونوں خواتین کونہیں جانتا،سوشل میڈیا پر ان کی زمان پارک پر 2 ہزار تصاویر ہیں۔
ن لیگی عہدیدار نے کہا کہ میں نےکچھ نہیں کیا ہماری ایسی ٹریننگ نہیں ہے، مسلم لیگ ن کلچرونگ کا صدر ہوں خاتون کے احترام میں جواب نہیں دیا۔
انھوں نے بتایا کہ پارٹی میرے ساتھ کھڑی ہوئی غصےکی لہرہے، مریم نواز سمیت پوری لیڈر شپ سے بات ہوئی ہے ، ڈی آئی جی صاحب نے ابھی بلایا ہے، قانونی کارروائی کا حق رکھتا ہوں، اس سے پہلے بھی مجھ پرقاتلانہ حملہ ہوچکا ہے۔
