انقرہ: ترکی کی حکمران جماعت نےبنالی یلدرم کووزیراعظم اورپارٹی کانیاچیئرمین نامزدکردیا،یلدرم کو احمد اوغلو کے استعفی دینے کے بعد پارٹی چئیرمین نامزد کیا گیا.
تفصیلات کے مطابق احمد داؤد اوغلو کے حال میں ہی عہدے سے مستعفی ہونے کے بعد حکمران جماعت نے وزیر ٹرانسپورٹ بنالی یلدرم کو نیا وزیراعظم نامزد کردیا ہے.
جسٹس اینڈ ڈویلمپنٹ پارٹی کی جانب سےاحمد داؤداوغلو کی جگہ بنالی یلدرم کو پارٹی کا نیا چیئرمین بھی نامزد کردیا گیا.
وزیراعظم نامزد ہونے کے بعد بنالی یلدرم کا کہنا تھا کہ اپنی جماعت کے تمام ساتھیوں کو ساتھ لے کر آگے چلوں گا،انہوں نے صدارتی نظام کو مضبوط کرنےکےعزم کابھی اظہارکیا.
یاد رہے اس سے قبل احمد داؤد اوغلوکا استعفی دینے کے بعد پارٹی کے ارکان سےکہنا تھا کہ آج سے میں آپ میں سے ہوں، انہوں نے کہا کہ بطور پارٹی ممبر وہ اپنی سیاسی جدوجہد جاری رکھے گیں.
واضح رہے کہ چند روز قبل ترکی کے وزیراعظم احمدداؤد اوغلو نے ملک میں صدارتی نظام کی مضبوطی کے حوالے سے صدر رجب طیب اردگان کے ساتھ اختلافات کے باعث اپنے عہدے سے استعفیٰ دے دیا تھا۔
