بھارتی اداکارہ انکیتا لوکھنڈے نے سشانت سنگھ راجپوت کی چوتھی برسی پر ان کی ایک یادگار تصویر شیئر کردی۔
فوٹو اینڈ شیئرنگ ایپ انسٹاگرام اسٹوری پر انکیتا لوکھنڈے نے سشانت سنگھ اور ان کے کتے فج کی ایک یادگار تصویر شیئر کی ہے۔
تصویر میں سشانت سنگھ کو گرے رنگ کی سلیو لیس ٹی شرٹ اور شارٹس پہنے دیکھا جاسکتا ہے جبکہ ان کا کتا بھی تصویر میں ان کے ساتھ کھڑا ہے۔
اداکارہ کی جانب سے شیئر کی گئی تصویر کے ساتھ کوئی کیپشن تو نہیں لکھا گیا، تصویر کے ساتھ انہوں نے ’کل ہو نہ ہو‘ کے میوزک کو شامل کیا ہے۔
یاد رہے کہ بالی ووڈ اداکار سوشانت سنگھ 14 جون 2020 کو ممبئی میں اپنے گھر میں مردہ پائے گئے تھے۔
انکیتا لوکھنڈے نے سشانت سنگھ راجپوت کی دوستی 2010 میں ڈرامے کے سیٹ پر ہوئی تھی جو محبت میں بدل گئی تھی تاہم 2016 میں دونوں کا بریک اپ ہوگیا تھا، جس کے بعد انکیتا نے وکی جین سے دسمبر 2021 میں شادی کی تھی۔
