معروف گلوکارہ عینی خالد نے سیاسی رہنماؤں کو چیلنج دیتے ہوئے کہا کہ وہ عمران خان کی طرح بغیر کسی سیکیورٹی کے عام لوگوں میں جا کر دکھائیں۔
معروف گلوکارہ عینی خالد نے سماجی رابطے کی ویب سائٹ ٹویٹر پر سابق وزیر اعظم عمران خان کی ایک تصویر پوسٹ کی۔
یہ تصویر ایک روز قبل کی ہے جب عمران خان بغیر کسی پروٹوکول کے اسلام آباد کے علاقے جی نائن مرکز پہنچے تھے۔
اس موقع پر مارکیٹ میں موجود شہریوں نے عمران خان کا پرتپاک استقبال کیا اور ان کی حمایت میں نعرے لگائے۔
عینی خالد نے لکھا کہ کیا اپوزیشن کا کوئی رہنما اس طرح لوگوں کے درمیان (بغیر کسی سیکیورٹی کے) جاسکتا ہے، میں چاہتی ہوں کہ وہ اس کی کوشش کریں۔
Can anyone from the opposition walk amongst the public like this, I’d like to see them try 😂 #MarchAgainstImportedGovt pic.twitter.com/tZ146DcMQv
— Annie Khalid (@annie_khalid) April 30, 2022
تصویر میں دیکھا جاسکتا ہے کہ لوگوں نے عمران خان کو گھیر رکھا ہے اور وہ ان کے ساتھ تصاویر بنوا رہے ہیں جبکہ عمران خان بھی نہایت خوشگوار موڈ میں ہیں۔