کوئٹہ: حکومتِ بلوچستان نے کروناوائرس کے پیش نظر لاک ڈاؤن سے متاثر ہونے والے افراد کی مالی معاونت کا اعلان کردیا۔
تفصیلات کے مطابق وزیراعلیٰ بلوچستان جام کمال کا کہنا ہے کہ صوبائی حکومت کروناوائرس کے باعث لاک ڈاؤن سے متاثر ہونے والے افراد کی مالی معاونت کرے گی۔
انہوں نے کہا کہ کم آمدنی والوں کی معاونت کے طریقہ کار کا جائزہ لیا جارہا ہے۔ وزیراعلیٰ بلوچستان نے شہریوں سے اپیل کی ہے کہ عوام پبلک ٹرانسپورٹ استعمال نہ کریں۔
پاکستان دنیا بھر کی طرح خود بھی مہلک وائرس سے لڑ رہا ہے۔ ملک میں مستند کرونا وائرس کے مریضوں کی تعداد 326 ہے۔ متعلقہ اداروں کی جانب سے ہرممکن اقدامات کیے جارہے ہیں۔
کرونا سے نمٹنے کے لیے میڈیکل پلان آف ایکشن تیار کر لیا، ڈی جی آئی ایس پی آر
اس اہم مشن میں پاک فوج بھی قوم کے شانہ بشانہ کھڑی ہے۔
ڈی جی آئی ایس پی آر میجر جنرل بابر افتخار کا کہنا ہے کہ کرونا سے نمٹنے کے لیے میڈیکل پلان آف ایکشن تیار کر لیا ہے، دعا ہے اللہ پاکستان کو کرونا وائرس کی وبا سے محفوظ رکھے، افواج پاکستان پوری طرح تیار ہے، سول اداروں کے ساتھ مل کر تمام وسائل بروئے کار لا رہے ہیں، وبا پر قابو پانے کے لیے وفاق اور صوبوں سے رابطے میں ہیں۔
