پاکستان اور بھارت میں جوہری تنصیبات کی فہرستوں کا سالانہ تبادلہ ہوا ہے دونوں ممالک میں یہ تبادلہ ہر سال یکم جنوری کو کیا جاتا ہے۔
ترجمان دفتر خارجہ کے مطابق پاکستان اور بھارت میں جوہری تنصیاب کی فہرستوں کا سالانہ تبادلہ ہوا ہے اور اس سلسلے میں پاکستان میں جوہری تنصیبات کی فہرست آج بھارتی ہائی کمیشن کے حوالے کردی گئی ہے دوسری جانب بھارت نے نئی دہلی میں پاکستانی ہائی کمیشن کو اپنی جوہری تنصیبات کی فہرست حوالے کی۔
ترجمان کا کہنا ہے کہ پاکستان اور بھارت میں معاہدہ ہے کہ وہ ایک دوسرے کو اپنی جوہری تنصیبات سے آگاہ کرینگے۔ جوہری تنصیبات کیخلاف حملوں کی ممانعت کے معاہدے پر 1988 میں دستخط ہوئے تھے۔
ترجمان دفتر خارجہ کے مطابق جوہری تنصیبات کی فہرستوں کے تبادلے کا سلسلہ 1992 سے جاری ہے اور دونوں ممالک ہر سال یکم جنوری کو جوہری تنصیبات کی فہرست کا تبادلہ کرتے ہیں۔
