کراچی : قانون نافذ کرنے والے اداروں نے اجمیر نگری میں چھاپہ مار کر کراچی پولیس آفس حملے میں ملوث دہشت گردوں کے مبینہ سہولت کار کو گرفتار کرلیا۔
تفصیلات کے مطابق کراچی پولیس آفس حملے کی تحقیقات میں مزید پیش رفت سامنے آئی ، قانون نافذ کرنے والے اداروں نے اجمیر نگری میں چھاپہ مارا۔
چھاپے کے دوران دہشت گردوں کے مبینہ سہولت کار کو گرفتار کرلیا ، زیرحراست مبینہ سہولت کار کو تفتیش کیلئےنامعلوم مقام پر منتقل کردیا گیا۔
- Advertisement -
گزشتہ روز گلستان جوہر میں بھی چھاپہ مارا گیا تھا ، جہاں سے مبینہ سہولت کار کو حراست میں لیا گیا تھا۔
ذرائع نے بتایا کہ بھینس کالونی، لانڈھی ،اورنگی میں بھی چھاپے مارے گئے اور 5سے زائدمشتبہ افرادکو حراست میں لیا گیا، مجموعی طور پر 10کے قریب مشتبہ افراد زیرحراست ہیں۔
