کراچی : پاکستان میں کرونا وائرس کا ایک اور کیس سامنے آگیا، جس کا تعلق کراچی سے ہے، ملک بھرمیں متاثرہ مریضوں کی تعداد 22 اور سندھ میں 15 ہوگئی ہے۔
تفصیلات کے مطابق پاکستان میں کروناوائرس کےقدم بڑھنےلگے ، کراچی میں ایک اور مریض سامنےآگیا، محکمہ صحت سندھ نے 52 سالہ شخص میں کرونا وائرس کی تصدیق کردی ہے۔
محکمہ صحت سندھ کے اعلامیہ کے مطابق مذکورہ شخص 2روز قبل اسلام آباد سے آیا تھا، جس کا ٹیسٹ مثبت آیا ہے، اس طرح سندھ میں کرونا کیسز کی مجموعی تعداد15 جبکہ ملک بھر میں متاثرہ مریضوں کی تعداد 22 ہوگئی ہے۔
محکمہ صحت سندھ کے مطابق اب تک مجموعی طور پر251ٹیسٹ کئے جاچکے ہیں، جس میں سے15پوزیٹیو اور236نیگیٹیو ہیں جبکہ 54سالہ ایک مریض سمیت مجموعی طور دو مریضوں کو ڈسچارج کیا جاچکا ہے اور 13مریض زیر علاج ہیں۔
مزید پڑھیں : کرونا وائرس: سندھ کے تعلیمی ادارے یکم جون سے کھولنے کا اعلان
دوسری جانب اس وقت گلگت بلتستان میں تین،اسلام آباد میں دو،کوئٹہ میں ایک مریض کوقرنطینہ میں رکھاگیاہے جبکہ پنجاب میں کرونا وائرس کےچارمشتبہ مریض آئسولیشن وارڈز میں زیرنگرانی ہے، اب تک صوبہ بھرمیں پچاسی مشتبہ مریض رپورٹ ہوئے، جس میں سے اکیاسی مریضوں کوکلئیرقراردیاگیا ہے۔
یاد رہے کرونا وائرس کے پھیلنے کے خطرے کے پیش نظر سندھ میں تیس مئی تک تعلیمی ادارے بند اور میٹرک کےامتحانات بھی ملتوی کردیئے گئے ہیں، چھٹیوں کا اطلاق اسکولوں ، کالجوں اور یونیورسٹیوں پر ہوگا۔
وزیرتعلیم سندھ سعید غنی کا کہنا تھا کہ ڈبلیو ایچ او نے کرونا کو وبا قراردیا ہے، بچاؤ کے لئے ہرممکن اقدامات کررہے ہیں۔
