کراچی : وکلا کے احتجاج کے معاملے پر ایک اور مقدمہ درج کرلیا گیا، جس میں کہا ہے کہ وکلا کی موٹرسائیکلوں کو نذرآتش کیا اور کئی موٹرسائیکلیں بھی اٹھا کر لے گئے۔
تفصیلات کے مطابق کراچی میں ڈیفنس تھانے میں وکلا کے احتجاج کے معاملے پر محمود آباد کے بعد ڈیفنس تھانےمیں بھی مقدمہ درج کرلیا گیا۔
ایڈووکیٹ عبدالمالک کی مدعیت میں مقدمہ کیا گیا، جس میں کہا ہے کہ ہم محمود آباد تھانے گئے، ہمارے معزز وکیل کا مقدمہ درج نہیں کیا جا رہا تھا، غیرقانونی عمل کےخلاف پرامن احتجاج کررہےتھے۔
مقدمے کے متن میں کہنا تھا کہ ساڑھے 7 بجے 40 سے 50 نامعلوم افراد وہاں آئے، آتشیں اسلحے سے فائرنگ کی ڈنڈے مارے اور پتھراؤ کیا، مجھے سر پر چہرے پر اور اندورنی چوٹیں آئی جبکہ متعددوکلابھی موقع پرزخمی ہوئے۔
مدعی مقدمے نے کہا کہ وکلا کی موٹر سائیکلوں کو نذر آتش کیا اور کئی موٹرسائیکلیں اٹھا کر بھی لے گئے، 40 سے 50 صورت شناس اور نامعلوم افراد کے خلاف کارروائی کی جائے۔
مزید پڑھیں : وکلا کا پولیس کے خلاف شارع فیصل پر احتجاج، دونوں ٹریک بند کردیے
گذشتہ روز شارع فیصل پر ایف ٹی سی بلڈنگ کے مقام پر وکلا نے احتجاج کرتے ہوئے دونوں ٹریک ٹریفک کی آمدورفت کیلئے بند کردیے تھے ، جس کے باعث ایف ٹی سی پل کے قریب ٹریفک جام ہوگیا تھا۔
پولیس کےخلاف احتجاج کےباعث شہری کئی گھنٹوں تک رلتےرہے، احتجاج کے باعث گاڑیوں کی قطاریں لگ گئیں اور شہریوں کو مشکلات کا سامنا کرنا پڑا۔
بعد ازاں وزیرداخلہ سندھ ضیالنجارکی درخواست پروکلانےاحتجاج ختم کیا اور شارع فیصل کوٹریفک کےلئےکھولا گیا۔
