لاہور : چیئرمین تحریک انصاف عمران خان سمیت مرکزی قائدین کے خلاف ایک اور مقدمہ درج کرلیا گیا۔
تفصیلات کے مطابق چیئرمین تحریک انصاف عمران خان سمیت مرکزی قائدین کے خلاف ایک اور مقدمہ درج کرلیا گیا۔
مقدمہ ڈی ایس پی صابر علی کی مدعیت میں تھانہ ریس کورس میں درج کیا گیا ، جس میں عمران خان، فرخ حبیب ، حسان نیازی، اعجاز چوہدری، حماد اظہر ، فواد چوہدری اور میاں محمودالرشید کو نامزدکیا گیا ہے۔
مقدمہ میں دفعہ 144 کی خلاف ورزی اور روڈ بلاک کرنے سمیت پولیس افسران پر حملہ اور دہشتگردی کی دفعات کے تحت درج کیا گیا۔
ایف آئی آر کے متن میں کہا گیا کہ تین چارسوپرمشتمل جھتےجس میں مسلحہ افرادبھی موجودتھے،جھتے قومی سلامتی کے اداروں کو دھمکیاں دے رہے تھے۔
ایف آئی آر میں کہنا ہے کہ مشتعل افراد نے پولیس پر پتھراو کیا اور ڈنڈے برسائے،پولیس پر پتھراؤ اور ڈنڈے مارنے سے 13 پولیس افسران اور اہلکار زخمی ہوئے۔
متن کے مطابق کارکنوں کے پتھراؤ کی وجہ سے پی ٹی آئی کے6کارکن بھی زخمی ہوئے ، پولیس زخمیوں کو سروسز اسپتال لایا گیا جہاں پی ٹی آئی کے کارکن بھی زیر علاج تھے، زیر علاج زخمیوں میں علی بلال بھی دم توڑ گیا۔
