The news is by your side.

آئی ایم ایف نے شہباز حکومت کے سامنے ایک اور شرط رکھ دی

اسلام آباد : آئی ایم ایف نے سردیاں آنے سے پہلے گیس ٹیرف میں اضافہ کی شرط رکھ دی، جس پر حکومت نے عالمی مالیاتی فنڈ سےمہلت مانگ لی ہے۔

تفصیلات کے مطابق آئی ایم ایف کی ایک اور شرط سامنے آگئی، ذرائع کا کہنا ہے کہ آئی ایم ایف نے مطالبہ کیا ہے کہ سردیاں آنے سے پہلے گیس ٹیرف میں اضافہ کیا جائے گا۔

اس سلسلے میں حکومت نے عالمی مالیاتی فنڈ سےمہلت مانگ لی ہے ، گیس ٹیرف میں اضافے سے 786 ارب وصولی کا امکان ہے۔

ذرائع نے بتایا ہے کہ 666ارب کےہدف کی نسبت 120 ارب اضافی آمدن کا تخمینہ ہے، گیس ٹیرف میں 45 سے 53 فیصد تک اضافہ ہوسکتا ہے۔

حکومت نے آئی ایم ایف کو یقین دہانی کرائی ہے کہ چھوٹے صارفین پر کم سے کم بوجھ ڈالا جائے گا۔

حکام کا کہنا ہے کہ اوگرا ایکٹ میں ترامیم کے مطابق نئے گیس ریٹس کا تعین ہوگا، گیس ٹیرف کے ازسر نو تعین کے لئے مزید وقت درکار ہے، قیمتوں سے حاصل آمدنی گردشی قرضے پر خرچ کی جائے گی۔

Comments

یہ بھی پڑھیں