کراچی: جعلی بینک اکاؤنٹس کے ذریعے جعلی کمپنیاں بنانے کا ایک اور کیس سامنے آ گیا، تِل کے لڈو فروخت کرنے والا نابینا شخص بھی کروڑ پتی نکل آیا۔

تفصیلات کے مطابق کراچی میں فالودے والے کے بعد تل کے لڈو بیچنے والے کے نام پر بھی اکاؤنٹ نکل آیا، نابینا شخص لیاقت کے اکاؤنٹ سے ڈھائی کروڑ روپے نکلے۔

[bs-quote quote=”ایف بی آر کے چھاپے کے بعد کمپنی اور جعلی اکاؤنٹ کا علم ہوا۔” style=”style-7″ align=”left” color=”#dd3333″ author_name=”لیاقت” author_job=”نابینا شہری”][/bs-quote]

ایف بی آر نے متاثرہ شہری کے گھر چھاپا مارا، شہری کو ایف بی آر کے دفتر بھی طلب کیا گیا، متاثرہ شہری نے بتایا کہ ایف بی آر کے چھاپے کے بعد کمپنی اور جعلی اکاؤنٹ کا علم ہوا۔

لیاقت نے بتایا کہ دو دن قبل ایف بی آر والے میرے گھر آئے تھے، انھوں نے کہا کہ میرے اکاؤنٹ سے ڈھائی کروڑ روپے کی ٹرانزیکشن ہوئی ہے۔

نابینا محنت کش نے مزید بتایا کہ ان کا شناختی کارڈ 3 بار کھو چکا ہے، جس کے مقدمات بھی درج کرائے گئے ہیں، ایف بی آر والوں نے چند دن میں بلانے کا کہہ دیا ہے۔

لیاقت کا کہنا تھا کہ وہ کراچی کے مصروف ترین علاقے صدر میں تل کے لڈو فروخت کر کے گزر بسر کرتے ہیں۔

یہ بھی پڑھیں: جے آئی ٹی نے زرداری سسٹم کو بے نقاب کر دیا ہے: شہزاد اکبر

دوسری طرف ایف بی آر حکام کا کہنا ہے کہ لڈو فروش لیاقت کے شناختی کارڈ نمبر پر باقاعدہ طور پر ایک کمپنی رجسٹرڈ ہے، یہ کمپنی بلیک لسٹ کی گئی ہے۔ ایف آئی اے حکام بھی اس معاملے کی تحقیقات کر رہے ہیں۔

خیال رہے کہ دو دن قبل وفاقی وزیرِ اطلاعات فواد چوہدری نے کہا تھا کہ جعلی اکاؤنٹس کیس میں مشترکہ تحقیقاتی ٹیم (جے آئی ٹی) کے نامزد 172 لوگوں کے نام ایگزٹ کنٹرول لسٹ میں ڈالے جائیں گے جن میں سابق صدر آصف علی زرداری اور ان کی ہمشیرہ فریال تالپور کے نام بھی شامل ہیں۔