دبئی پولیس نے کارنامہ سرانجام دیتے ہوئے لاکھوں ڈالرز کی ڈکیتی کرنے والے ڈکیتوں کو فوری کارروائی کر کے گرفتار کر لیا۔
خلیج ٹائمز کے مطابق چھ ڈکیتوں پر مشتمل گروہ نے ولا میں گھس کر اہل خانہ سے ایک لاکھ ڈالر نقدی، قیمتی گھڑیاں اور طلائی زیوارت لوٹ لے لیے۔
ڈکیتی کی اطلاع ملنے پر پولیس نے فوری طور پر تفتیش شروع کی اور بہترین حکمت عملی کر کے واردات میں ملوث 4 ڈاکوؤں کو گرفتار کر لیا۔
پولیس کا کہنا ہے کہ ایک مشتبہ شخص کو دبئی انٹرنیشنل ایئرپورٹ سے فرار ہوتے ہوئے گرفتار کیا گیا جب کہ دو کو شارجہ ایئرپورٹ سے پکڑا، ایک مشتبہ شخص کو الطوار کے علاقے سے حراست میں لیا گیا جب کہ دو افراد مفرور ہیں جن کی تلاش جاری ہے۔
واردات کے دوران ڈکیتوں نے 3 لاکھ سے زائد ڈالر، نقدی اور زیوارت لوٹے تھے جس میں قیمتی گھڑیاں اور ہیرے کی انگوٹھی بھی شامل تھی۔
