ملتان : صوبہ پنجاب میں ایک اور بچی زیادتی کے بعد قتل کردی گئی، 7سالہ بچی آمنہ کل شام سے لاپتہ تھی۔
تفصیلات کے مطابق صوبہ پنجاب میں ملتان کے علاقے قادرپوراں میں 7 سالہ بچی کو زیادتی کے بعد قتل کردیا گیا۔
پولیس نے بتایا کہ واقعہ تھانہ سیتل ماڑی کی حدودبستی جگووالامیں پیش آیا، 7سالہ بچی آمنہ کل شام سےلاپتہ تھی۔
آئی جی پنجاب نے ملتان میں7 سالہ بچی کے مبینہ قتل کا نوٹس لیتے ہوئے آر پی او سے رپورٹ طلب کرلی ہے۔
آئی جی پنجاب نے سی پی او کو ملزمان کی جلد گرفتاری کیلئے اسپیشل ٹیم تشکیل دینے کا حکم دیتے ہوئے ملزمان کو گرفتار کر کے قرار واقعی سزا دلوائی جائے گی۔
یاد رہے گذشتہ ماہ کے آخر میں لاہور کے تھانہ مناواں کے علاقے شریف پورہ میں 10 سالہ بچی کو سوئمنگ پول میں مبینہ جنسی زیادتی کے بعد قتل کر دیا گیا تھا۔
پولیس نے مقدمہ درج کر کے ایک شخص کو گرفتار کرلیا تھا ، 10 سالہ ماریہ بھائی اور چھوٹی بہن کے ساتھ سوئمنگ پول پر گئی ، نہاتے ہوئے وہ پول سے غائب ہوگئی، پول کے مالک علی رضا نے بتایا کہ بچی گھر چلی گئی، ماریہ کو ہر جگہ تلاش کیا گیا لیکن وہ کہیں نہیں ملی تھی۔
