رزمک : شمالی وزیرستان میں طالبات کے ایک اور اسکول کو آگ لگادی گئی، جس کے باعث اسکول کے کمپیوٹرز ، فرنیچر اور دیگرسامان جل گیا۔
تفصیلات کے مطابق شمالی وزیرستان میں طالبات کے ایک اوراسکول کو جلا دیاگیا، واقعہ شمالی وزیرستان کےعلاقے رزمک میں پیش آیا، جہاں رات کے وقت نامعلوم افراد نے گرلز اسکول کوآگ لگادی۔
پولیس نے بتایا کہ آگ سے اسکول کے کمپیوٹرز ، فرنیچر اوردیگرسامان جل گیا تاہم واقعے کےبعد ملزمان فرارہوگئے۔
رواں ماہ نو مئی کو بھی لڑکیوں کے پرائیویٹ اسکول کوبموں سےاڑا دیا گیا تھا، متاثرہ اسکول علاقے میں لڑکیوں کا واحد پرائیویٹ اسکول تھا۔
مزید پڑھیں : شمالی وزیرستان میں تخریب کاروں نے 2 اسکول تباہ کر دیے
بعد ازاں تحصیل میر علی میں بھی نامعلوم افراد نے دو اسکولوں کو بموں سے اڑا دیا تھا، تباہ ہونے والے دونوں اسکول ڈاکٹر نور جنت گل کے نام سے منسوب تھے۔
اس سے قبل بھی نامعلوم افراد نے نویں، دسویں جماعت کے حل شدہ پرچوں کو جلاکر با آسانی فرار ہونے میں کامیاب ہوگئے تھے۔
پولیس کی جانب سے مقدمہ درج کرکے مزید تحقیقات کا آغاز کردیا تھا۔
