کراچی : محکمہ موسمیات نے خبردار کیا ہے کہ بارش کا سسٹم اگلے 12 سے 18گھنٹے کراچی میں داخل ہوگا، جس کے نتیجے میں تیز بارشوں کاامکان ہے اور اربن فلڈنگ کی صورتحال پیدا ہونے کا خدشہ ہے۔
تفصیلات کے مطابق محکمہ موسمیات کی جانب سے بیان میں کہا گیا ہے کہ بارش کا سسٹم بھارتی گجرات کے پاس موجود ہے، کراچی، سندھ اور بلوچستان میں بارش کا سسٹم بن رہا ہے، اگلے 12 سے 18 گھنٹے میں یہ سسٹم داخل ہوگا۔
محکمہ موسمیات کا کہنا ہے کہ سسٹم کےنتیجےمیں کل سے تیز بارشوں کاامکان ہے جبکہ مون سون ہوائیں زیادہ شدت سےداخل ہوں اور یہ بھی امکان ہےکہ اربن فلڈنگ کی صورتحال پیدا ہوجائیں گی۔
کراچی:کل اورپرسوں بارش کےہیوی اسپیل کاوقت ہے ، اس دوران 35سے40ناٹیکل مائل کی رفتارسےہوائیں چل سکتی ہیں، سمندرمیں طغیانی رہےگی ماہی گیرگہرےسمندرمیں جانے سے گریز کریں۔
دوسری جانب اایڈمنسٹریٹر کے ایم سی مرتضیٰ وہاب کے زیر صدارت اجلاس ہوا ، اجلاس میں رین ایمرجنسی کے حوالے سے انتظامات کا جائزہ لیا گیا اور مرتضی ٰوہاب کی تمام بلدیاتی اداروں کو الرٹ رہنے کی ہدایت کردی۔
مرتضیٰ وہاب نے کہا واٹر بورڈ ہر ضلع میں نکاسی آب کے لیےابھی سے مشینری لگا دے اور بارش کاانتظار کیے بغیر وسائل بروئے کار لا کر انتظامات کے ساتھ ساتھ نکاسی آب کی مشینوں کےلیےفیول اور آپریٹر کی دستیابی یقینی بنائیں۔
ان کا کہنا تھا کہ شہریوں کو کسی قسم کی دشواری کا سامنا نہ ہو، پانی جمع ہونے کی صورت میں حکام ذمے دار ہوں گے۔
