The news is by your side.

Advertisement

ایک اور بھارتی اداکار نے خودکشی کرلی

نئی دہلی: بھارتی اداکار شریواستو چندراسیکر نے پھندا لگا کر اپنی زندگی کا خاتمہ کرلیا۔

بھارتی میڈیا رپورٹس کے مطابق کئی سپر ہٹ فلموں میں اداکاری کے جوہر دکھانے والے ساؤتھ انڈین اداکار چندراسیکر نے پھندا لگا کر خودکشی کرلی۔

بھارتی میڈیا کے مطابق اداکار کی پھندا لگی لاش ان کے اس گھر سے برآمد ہوئی جسے وہ اپنے کام کے لیے استعمال کرتے تھے۔

اداکار 3 فروری کو فلم کی شوٹنگ کا کہہ کر گھر سے نکلے تھے، کچھ میڈیا رپورٹس کے مطابق وہ اپنی شوٹنگ کے بجائے والد کے گھر میں گئے تھے جہاں سے ان کی لاش برآمد ہوئی۔

Another Indian actor 'commits suicide'

چندرا سیکر کے اہلخانہ کا کہنا ہے کہ وہ نفسیاتی مسائل کا شکار تھے اور اس سلسلے میں ان کا علاج بھی چل رہا تھا تاہم ان کی خودکشی کی وجہ سے سمجھ نہیں آئی۔

بھارتی میڈیا کے مطابق ساؤتھ انڈیشن اداکار کی یوں اچانک موت نے ان کے اہلخانہ سمیت دوست اور عزیز و اقارب کو شدید غم میں مبتلا کردیا ہے۔

یاد رہے کہ گزشتہ سال 34 سالہ بالی ووڈ اداکار سشانت سنگھ راجپوت نے بھی گلے میں پھندا لگا کر خودکشی کرلی تھی جبکہ پولیس کا کہنا تھا کہ اداکار ڈپریشن کے مریض تھے اور وہ اپنا علاج بھی کروا رہے تھے۔

سشانت سنگھ کی خودکشی کے بعد سے اب تک کئی بھارتی اداکار ڈپریشن کی وجہ سے اپنی زندگی کا خاتمہ کرچکے ہیں۔

Comments

یہ بھی پڑھیں