سری نگر: مقبوضہ کشمیر میں تعینات بھارتی فوجیوں کی خودکشی کا سلسلہ جاری ہے،اب تک 428اہلکاروں نے اپنی زندگیوں کا خاتمہ کیا۔
کشمیر میڈیا سروس کی رپورٹ کے مطابق ہماچل سے تعلق رکھنے والا جسونت سنگھ جموں کشمیر کے سرحدی علاقے کے قریب سے مردہ حالت میں پایا گیا۔
پولیس حکام کے انڈیا تب بارڈر پولیس کے اے ایس آئی نے دوران ڈیوٹی سرکاری رائفل سے اپنی گردن گولی ماری، ابتدائی معلومات میں یہ بات سامنے آئی کہ آرٹیکل 370 کے خاتمے کے بعد حال ہی میں اہلکار کو تعینات کیا گیا تھا۔
یاد رہے کہ بھارت نے مقبوضہ کشمیر سے گزشتہ برس اگست میں آرٹیکل 370 کا خاتمہ کیا جس کے بعد وادی میں اضافی فوج تعینات کی گئی اور اب وہاں پر 8 لاکھ کے قریب فوجی تعینات ہیں۔
مزید پڑھیں: مقبوضہ کشمیر : چوبیس گھنٹوں کے دوران 2 بھارتی فوجیوں کی خودکشی
آرٹیکل کے خاتمے کے بعد سے اب تک مقبوضہ کشمیر میں کرفیو نافذ ہے جس کے باعث اشیائے خوردونوش، جان بچانے والی ادویات کی شدید قلت ہے جبکہ 80 لاکھ کشمیری مسلسل گھروں میں محصور ہیں۔
بھارتی میڈیا رپورٹس کے مطابق جنوری 2007سے 28 ستمبر2019 تک مقبوضہ کشمیر میں خود کشی کرنے والے بھارتی فوجیوں اور پولیس اہلکاروں کی تعداد 426 تک پہنچ گئی۔ قبل ازیں 31 مارچ کو چوبیس گھنٹوں کے دوران دو فوجیوں نے خودکشی کی تھی۔
