The news is by your side.

Advertisement

جمشید اقبال کے کاغذات نامزدگی مسترد ہونے کیخلاف اپیل : ایک اور جج کی سماعت سے معذرت

لاہور : ہائی کورٹ کے جسٹس فیصل زمان نے جمشیداقبال چیمہ کی کاغذات نامزدگی مسترد ہونے کے خلاف اپیل سننے سے معذرت کرلی اور فائل واپس چیف جسٹس کوبھجوا دی۔

تفصیلات کے مطابق لاہور ہائی کورٹ کے جسٹس شجاعت علی خان کی سربراہی میں دو رکنی بنچ نے جمشید چیمہ کی درخواست پر سماعت کی، بنچ کے رکن جسٹس فیصل زمان خان نے سماعت سے معذرت کر لی ۔

جس پر بنچ کے سربراہ نے جمشید چیمہ اور ان کی اہلیہ کی درخواستیں چیف جسٹس کو بجھوا دیں تاکہ سماعت کیلئے کسی دوسرے بنچ کے سامنے پیش کیا جائے۔

اس سے قبل جمشید چیمہ اور اُن کی اہلیہ مسرت چیمہ کی درخواستوں پر لاہور ہائی کورٹ کے جسٹس شاہد وحید کی سربراہی میں دو رکنی بنچ نے سماعت سے معذرت کی تھی، جس کے بعد نئے بنچ نے بھی سماعت سے معذوری کا اظہار کر دیا تھا۔

جمشید چیمہ اور ان کی اہلیہ مسرت چیمہ نے کاغذات نامزدگی مسترد کرنے کےخلاف ریٹرننگ افسر اور الیکشن اپلیٹ ٹربیونل کے فیصلے کو ہاٸی کورٹ میں چیلنج کر رکھا ہے۔

Comments

یہ بھی پڑھیں