The news is by your side.

Advertisement

برطانیہ میں ایک اور پاکستانی نژاد کورونا وائرس سے جاں بحق

لندن: برطانیہ میں کورونا وائرس سے ایک اور پاکستانی نژاد شہری چل بسا، برطانیہ میں مہلک وبا سے ہلاکتوں کی تعداد 233 ہوگئی۔

تفصیلات کے مطابق برطانیہ کے شہر شیفیلڈ میں 46 سالہ پاکستانی نژاد شہری کورونا وائرس میں مبتلا ہونے کے بعد زندگی کی بازی ہار گیا۔

جاں بحق شخص ٹیلفورڈ کا رہائشی تھا اور اس کا آبائی تعلق ڈڈیال آزاد کشمیر سے ہے، فیملی کے پانچ افراد کو شیفیلڈ میں آئیسولیشن میں رہنے کی ہدایات کی گئی ہے۔

جاں بحق شخص دل کے عارضے میں مبتلاء تھا اور چند سال قبل بائی پاس بھی ہوا تھا۔

اس سے قبل 17 مارچ کو کرونا وائرس میں مبتلا پاکستانی نژاد برطانوی شہری جاں بحق ہوگیا تھا، جاں بحق شخص کا تعلق لندن کے علاقے بارکنگ سے تھا۔

جاں بحق شخص کے خاندان کو قرنطینہ منتقل کردیا گیا، متوفی کی عمر 60 سال تھی اور اس کا تعلق گوجر خان سے تھا۔

واضح رہے کہ برطانیہ میں کورونا وائرس سے اموات کی تعداد 233 ہوگئی ہے، متاثرہ مریضوں کی تعداد 5 ہزار سے تجاوز کر چکی ہے۔

fb-share-icon0
Tweet 20

Comments

comments

یہ بھی پڑھیں