اسلام آباد : سپریم کورٹ میں چیئرمین پی ٹی آئی عمران خان کی گرفتاری کے خلاف سپریم کورٹ میں ایک اور درخواست دائر کردی گئی۔
تفصیلات کے مطابق چیئرمین تحریک انصاف عمران خان کی گرفتاری کے خلاف سپریم کورٹ میں ایک اور درخواست دائر کردی گئی۔
درخواست ایڈووکیٹ محبوب اسلم گجر کی جانب سے دائر کی گئی ہے، جس میں وفاقی حکومت، وزارت دفاع اور نیب کو فریق بنایا گیا ہے۔
درخواست میں عمران خان کی رہائی اور گرفتاری کی تحقیقات کا حکم دینے کی استدعا کرتے ہوئے کہا ہے کہ چیئرمین پی ٹی آئی عمران خان کی حفاظت یقینی بنانے کا حکم دیا جائے۔
درخواست میں موقف اختیار کیا گیا کہ دیگر رہنماؤں کی گرفتاری اختیارات کے ناجائز استعمال ،سیاسی انتقام ہے، حکومت کارویہ بنیادی حقوق،آرٹیکل 9، 10اے کی خلاف ورزی ہے۔
دائر درخواست میں کہا کہ بنیادی حقوق کی خلاف ورزی پر سپریم کورٹ کی مداخلت ناگزیرہے۔
راجہ محسن اعجاز اسلام آباد سے خارجہ اور سفارتی امور کی کوریج کرنے والے اے آر وائی نیوز کے خصوصی نمائندے ہیں