The news is by your side.

سندھ، بلوچستان میں بارشوں کا ایک اور طاقتور سسٹم آنے کو تیار

سندھ اور بلوچستان والے ہوجائیں تیار کہ وسطی بھارت پر موجود ایک اور طاقتور مون سون سسٹم کے کل تک ملک میں داخل ہونے کا امکان ہے۔

محکمہ موسمیات کے مطابق ایک اور طاقتور مون سون سسٹم وسطی بھارت پر موجود ہے، بلوچستان پر موجود ہوا کا کم موسمیاتی دباؤ کا پھیلاو شمالی سندھ تک پھیلا ہے اور یہ طاقتور سسٹم کل تک سندھ میں داخل ہونے کا امکان ہے جس کے نتیجے میں کل سے جمعرات تک کراچی سمیت سندھ کے بیشتر اضلاع میں بارشیں متوقع ہیں۔

پیشگوئی کے مطابق خیرپور، سکھر، لاڑکانہ، گھوٹکی، کشمور، جیکب آباد میں آج بھی کہیں کہیں موسلا دھار بارش متوقع ہے جب کہ تھرپارکر، عمر کوٹ، سانگھڑ، بدین، حیدرآباد، ٹھٹہ، سجاول، مٹیاری، ٹنڈو محمد خان میں کل سے جمعرات تک بارشیں متوقع ہیں۔

اس دوران 24 سے 25 اگست تک کراچی میں بھی چند مقامات پر درمیانی اور موسلادھار بارش ہوسکتی ہیں۔

محکمہ موسمیات کے مطابق 23 سے 26 اگست کے دوران بلوچستان کے شمال مشرقی اور جنوبی اضلاع میں وسیع پیمانے پر بارش متوقع ہے جس کے نتیجے میں دادو، جامشورو، قمبر شہدادکوٹ میں سیلابی صورتحال پیدا ہوسکتی ہے۔

محکمہ موسمیات کا کہنا ہے کہ 26 اگست سے مون سون سسٹم ختم ہو جائے گا۔

Comments

یہ بھی پڑھیں