پاکستان کی معروف وی جے اور میزبان انوشے اشرف کی شادی کی تقریبات کا ترکیے میں آغاز ہوگیا جس کی تصاویر و ویڈیو سوشل میڈیا پر وائرل ہوگئی۔
انوشے اشرف ایک مشہور پاکستانی وی جے ہیں جنہوں نے کم عمری میں اپنے میڈیا کیریئر کا آغاز کیا، انوشے اشرف پاکستان کی پہلی وی جے ہیں جو ایم ٹی وی پر نظر آئیں۔
View this post on Instagram
خوبصورت میزبان کو ان کی سجیلا شخصیت کی وجہ سے سراہا جاتا ہے، وہ ایک مارننگ شو بھی ہوسٹ کر چکی ہیں۔
گزشتہ سال اداکارہ نے 30 جون کو اپنے دوست شہاب نامی شخص کے ساتھ اپنے خاندان والوں کی موجودگی میں نکاح کیا، ان کے نکاح کی تقریب میں ان کے قریبی دوستوں اور خاندان کے افراد نے شرکت کی۔
تاہم اب اداکارہ انوشے اشرف کی شادی کا باقاعدہ آغاز ترکیہ میں ہوا ہے، سوشل میڈیا پر وائرل انسٹاگرام اسٹوریز میں شادی کی تقریبات کی ویڈیوز اور تصاویر دیکھا جاسکتا ہے۔
View this post on Instagram
سوشل میڈیا پر وائرل ایک ویڈیو میں انہیں پری ویڈنگ پارٹی میں شریک حیات کے ساتھ ڈانس کرتے دیکھا گیا، جبکہ مہندی کی تقریب میں بھی انوشے کے ڈانس کی ویڈیو وائرل ہے۔
انوشے اشرف نے اپنی مہندی کے دن پاکستان کے مشہور ڈیزائنر کا تیار کردہ ایک خوبصورت منٹ گرین اور ملٹی کلر فلورل لہنگا زیب تن کیا، جس پر نفیس سنہری کڑھائی اور دیدہ زیب کام کیا گیا تھا۔
View this post on Instagram
اداکارہ کی سوشل میڈیا پر وائرل مہندی کی تصاویر اور ویڈیوز پر ان کے مداح ان کے لیے نیک تمناؤں کا اظہار کر رہے ہیں ساتھ ہی جوڑے کو نئی زندگی کی شروعات پر بے شمار مبارک بادیں دی جا رہی ہیں۔
