گزشتہ روز رشتہ ازدواج میں منسلک ہونے والی پاکستان کی معروف اداکارہ انوشے اشرف کے شوہر کی تصاویر منظر عام پر آگئی۔
اداکارہ انوشے اشرف نے فوٹو اینڈ ویڈیو شیئرنگ ایپ انسٹاگرام پر اپنے نکاح کی تصاویر شیئر کی تھی ساتھ ہی انھوں نے کیپشن میں لکھا تھا کہ ’بیٹا آپ نے اب تک شادی کیوں نہیں کی؟ لو جی اب کرلی۔
انوشے نے نکاح کے بعد فوراً اپنی تصاویر تو صارفین کے ساتھ شیئر کی تھی لیکن انہوں نے اپنے دولہے کی تصاویر جاری نہیں کی تھی تاہم اب ان کے دولہے کی تصاویر بھی سامنے آگئی ہے۔
انوشے اشرف نے نکاح کا اعلان کرنے کے چند گھنٹوں کے بعد اپنے دولہا کی تصاویر شیئر کرتے ہوئے بتایا کہ ان کا نکاح شہاب رضا مرزا نامی شخص کے ساتھ ہوا ہے۔
دولہے کی جھلک دکھاتے ہوئے اداکارہ نے بتایا کہ،’یہ میرا دولہا ہے اور انکی تصاویر جلد ہی اپلوڈ کرونگی۔’
اسی کے ساتھ دیگر اسٹوریز میں انوشے نے نکاح کی تقریب سے اپنے شوہر کی دیگر تصاویر بھی جاری کی جس میں دولہے کے مزاحیہ پوز بھی سب کی توجہ کا مرکز بنے۔
تصاویر میں انوشے کے شوہر شہاب رضا کو وائٹ شلوار قمیض اور براؤں چادر میں دیکھا جاسکتا ہے، اداکارہ نے تصاویر شیئر کرتے ہوئے اپنے شوہر کو نکاح کی مبارکباد دی ہے۔
