site
stats
پاکستان

چالان کیوں کیا؟ سیاسی رہنما نے ٹریفک اہلکار پر پستول تان لی

پشاور: صوبائی دارالحکومت پشاور میں گاڑی کا چالان ہونے پر اے این پی کے مقامی رہنما نے ٹریفک اہلکار پر پستول تان لی۔ پولیس نے سیاسی دباؤ میں آنے کے بجائے ملزم کو گرفتار کر کے 5 مقدمات درج کرلیے۔


ANP leader gets outraged over traffic challan by arynews

پشاور تیمرا گراں میں اے این پی کے مقامی رہنما محمد گل کی گاڑی کو ٹریفک پولیس نے روک کر چالان کیا تو وہ آپے سے باہر ہوگئے اور اس نے ٹریفک پولیس پر پستول تان لی۔

ملزم ٹریفک پولیس کو چالان کرنے پر مسلسل دھمکیاں دیتا رہا۔ پولیس نے بھی دباؤ میں آئے بغیر ملزم کو دھمکیاں دینے اور پستول تاننے پر گرفتار کر کے پانچ مقدمات درج کرلیے۔

یاد رہے کہ ملک بھر میں اس قسم کے کئی واقعات پیش آچکے ہیں جن میں سیاسی رہنماؤں نے ٹریفک پولیس یا پولیس کی جانب سے روکے جانے پر پولیس اہلکاروں کو انتقامی کارروائی کا نشانہ بناتے ہوئے یا تو عہدوں سے برخاست کروا دیا یا پھر ان پر سرعام تشدد کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top