لاہور : عوامی نیشنل پارٹی کے سینئر رہنما سینیٹر عمر فاروق نے حکومت سے علیحدگی کا عندیہ دیدیا اور کہا حکومت کے رویے سے ناخوش ہیں، ہمیں حکومت سے نکل جانا چاہیے۔
تفصیلات کے مطابق عوامی نیشنل پارٹی نے شہباز حکومت کیلئے خطرے کی گھنٹی بجادی۔
عوامی نیشنل پارٹی کے سینئر رہنما عمرفاروق نے اےآروائی نیوز کو انٹرویو دیتے ہوئے کہا کہ اس وقت حکومت کاساتھ نہیں دیناچاہیےاوراس سےباہر نکلناہوگا، چند دنوں میں پارٹی میٹنگ میں حتمی فیصلہ کریں گے۔
رہنما اے این پی کا کہنا تھا کہ ہماری میٹنگ کا بنیادی ایجنڈا حکومت سے نکلنےپر مشاورت ہے، میں نے سینیٹ میں اپوزیشن بیچوں پربیٹھےکیلئےپارٹی کو تحریری درخواست کردی۔
سینیٹر عمر فاروق نے کہا کہ ہم حکومت کےطریقہ کار سے ناخوش ہیں، میں نےکہہ دیا کہ حکومت کےکسی بل کی حمایت نہیں کروں گا۔
ان کا کہنا تھا کہ عدم استحکام کی وجہ ہر محکمےکا اپنا کام چھوڑ کردوسرےکام کرنا ہے، پی ڈی ایم کو کہا پہلے فیصلہ کریں پارلیمنٹ کی آزادی تک ایوان میں نہیں جائیں گے، آزادی تک الیکشن بھی نہ لڑیں پھر یہ کس کو لائیں گے؟
رہنما اے این پی نے حکومت پر تنقید کرتے ہوئے کہا کہ ان کو پارلیمنٹ کا نشہ ہےاور جب تک یہ نشہ نہیں چھوڑتے ایسا ہی ہوگا، سیاست دان کا قصور ہے اگرکسی سےناراض ہےتودوسراخوش کرنےمیں لگ جاتا ہے۔
سینیٹر عمر فاروق کا مزید کہنا تھا کہ پی ڈی ایم کس لیےبناتھا،آج توایسا کچھ نہیں ہورہا ،ہم نےکوئی ریلیف نہیں دیا،عام آدمی کےلیےتو موت ہے، ان کا منفی پن دیکھیں تو وفاقی کابینہ 86تک پہنچ گئی ہے۔
انھوں نے کہا کہ یہ ان کی خام خیالی ہےکہ وزیربناکراتحادیوں کو خوش کرکےعوام پر بوجھ ڈال لیں گے۔
