پشاور : عوامی نیشنل پارٹی ( اے این پی) کے رہنما ایمل ولی خان نے عام انتخابات کے نتائج مسترد کرتے ہوئے خیبرپختونخوا کے تمام انتخابی حلقے کھولنے کا مطالبہ کردیا۔
تفصیلات کے مطابق عوامی نیشنل پارٹی ( اے این پی) نے خیبرپختونخوا کے تمام انتخابی حلقے کھولنے کا مطالبہ کردیا۔
اے این پی کے رہنما ایمل ولی خان نے کہا ہے ان تمام حلقوں کوکھولا جائے جہاں اےاین پی امیدوار دوسرے نمبر پر رہے، عام انتخابات کے نتائج مسترد کرتے ہیں۔
- Advertisement -
ایمل ولی خان کا کہنا تھا کہ الیکشن بدترین تھے، نتائج روز اول سے واضح تھے، پہلے سے اعلان کیا جا رہا تھا کہ وزیراعلیٰ کون ہوگا۔
انھوں نے مزید کہا کہ کٹھ پتلی وزیراعلیٰ لانے کیلئے تمام پارٹی رہنماؤں کو پارلیمان سے باہر رکھا گیا، گونگے بہروں کو اسمبلی پہنچا دیا تاکہ کے پی کیلئے کوئی بات نہ کر سکے۔
