لاہور: پنجاب اینٹی کرپشن اسٹیبلشمنٹ (اے سی ای) نے لیگی ایم این اے چوہدری محمداشرف کوگرفتار کر لیا ہے۔
اینٹی کرپشن حکام کے مطابق لیگی رہنما چوہدری محمد اشرف نے157 ایکڑ سرکاری اراضی پر قبضہ کر رکھا تھا، جعلسازی اور فراڈ سے جعلی دستاویزبنا کر زمین قبضے میں رکھی ہوئی تھی۔
حکام نے بتایا کہ ملزم نے محمد سلیم پٹواری اور ریاست علی گرداور سے ملکر زمین پر قبضہ کیا، ان پر الزام ثابت ہونے پرگرفتارکیاگیا۔
حکام کا یہ بھی کہنا ہے کہ محمد اشرف نےفرضی شخص شریف احمد کوجعلی الاٹی ظاہر کرکے زمین پرقبضہ کیا تھا، محکمہ اینٹی کرپشن پنجاب نے انکوائری کے بعد مقدمہ درج کرلیا۔
واضح رہے کہ چوہدری محمد اشرف ساہیوال این اے 161 سے ن لیگ کے رکن قومی اسمبلی ہیں۔
Comments
- Advertisement -
