The news is by your side.

Advertisement

اینٹی کرپشن پنجاب کی جانب سے کرپٹ سرکاری افسران کی گرفتاریاں جاری

لاہور : اینٹی کرپشن پنجاب نے دریا پر فلڈ بند کی تعمیر میں4کروڑ70لاکھ کی کرپشن کرنے پر 2ریٹائرڈ سب انجینئر کو گرفتار کرلیا۔

تفصیلات کے مطابق اینٹی کرپشن پنجاب کی جانب کرپٹ افسران کے خلاف کارروائیاں اور گرفتار یاں جاری ہے، دریا پر فلڈ بند کی تعمیر میں4کروڑ70لاکھ کی کرپشن کرنے پر 2ریٹائرڈ سب انجینئر کو گرفتار کرلیا گیا۔

اینٹی کرپشن پنجاب نےطارق محموداورارشاداحمدگوہرکو گرفتارکیا ،حکام نے بتایا ملزمان محکمہ انہار کی مشنری ڈویژن میں ملازم تھے، ملزمان نے فنڈز لئے مگر تحصیل علی پور میں چندربن فلڈبند تعمیر نہ کیا۔

اینٹی کرپشن کا کہنا تھا کہ 2020میں مقدمہ درج ہوا،پیروی نہ کرنے پر ملزمان کواشتہاری قراردیاگیا ، جس کے بعد سرکل آفیسرڈی جی خان نےملزمان کو ملتان سے گرفتار کیا۔

حکام کے مطابق جعلسازی سےشہری کوجائیدادسےمحروم کرنے کےالزام پر بھی ملزم کو گرفتار کیا گیا ہے ، درخواست گزار نے پٹواری شاہد محمود،آصف اقبال،عمر فاروق پر مقدمہ درج کرایا۔

حکام نے بتایا کہ گرفتارملزم آصف اقبال مقدمے میں نامزدپٹواری شاہدمحمود کامنشی ہے، آصف اقبال نےدرخواست گزاربلقیس بیگم کی زمین عمرفاروق کو منتقل کی اور عمرفاروق نےپٹواری اورمنشی کی مددسےزمین اپنے نام منتقل کرائی۔

Comments

یہ بھی پڑھیں