کراچی: شہر قائد میں جاری انسداد تجاوزات آپریشن میں سیاسی مداخلت کا ایک اور معاملہ سامنے آگیا.
تفصیلات کے مطابق کراچی میں جاری تجاوزات آپریشن میں پی پی رہنما کے گن مین رکاوٹ بن گئے، یہ واقعہ ناظم آباد کے علاقے میں پیش آیا، جہاں غیرقانونی عمارت توڑنے سے روکنے کی کوشش کی گئی.
ایس بی سی اے کی ٹیم کے مطابق آپریشن کے دوران دو پولیس اہلکار ٹیم کو روکتے رہے، دونوں اہل کار مبینہ طور پر پی پی رہنما عارف قریشی کے گن مین ہیں.
ایس بی سی اے ٹیم نے بلڈر کے خلاف مقدمےکے لیے درخواست دی، مگر ناظم آباد پولیس کا مقدمہ درج کرنے سے انکار کر دیا۔
مزید پڑھیں: کراچی میں تجاوزات کے خلاف آپریشن، دکانیں اور عمارتیں گرانے کا سلسلہ جاری
بعد ازاں پانچ منزلہ عمارت کا اوپر ی حصہ مسمار کر دیا گیا۔ اطلاعات کے مطابق عمارت کا نقشہ ڈبل اسٹوری کے لیے پاس ہوا تھا، مگر بلڈر نے اضافی فلور تعمیر کر دیے.
یاد رہے سپریم کورٹ کے حکم پر شہر بھر میں تجاوزات کے خلاف بڑے پیمانے پر آپریشن جاری ہے. اس آپریشن کا آغاز ایمپریس مارکیٹ کے علاقے سے ہوا، جہاں تاریخی ایمپریس مارکیٹکے اطراف موجود تجاوزات کو ختم کیا گیا.
اس وقت شہر کے دیگر علاقوں میں بھی تجاوزات کے خلاف آپریشن جاری ہے.
