site
stats
پاکستان

اے این ایف نے 4 ارب روپے کی منشیات ضبط کی، وزیرداخلہ کو بریفنگ

اینٹی نارکوٹکس فورس (اے این ایف) نے گزشتہ ماہ مئی کے دوران متعدد کارروائیوں کے دوران 50 ٹن منشیات ضبط کرلی جس کی مالیت تقریباً چار ارب روپے ہے۔

وزیرداخلہ چوہدری نثار سے اینٹی نارکوٹکس فورس کے ڈائریکٹر جنرل میجر جنرل ناصر دلاور شاہ نے ملاقات کی اور وزیرداِخلہ کو ادارے کی گزشتہ چھ ماہ کی کارکردگی سے آگاہ کیا۔

میجر جنرل ناصر دلاور شاہ نے بتایا کہ ادارے نے بہترین کارکردگی کا مظاہرہ کرتے ہوئے مئی میں متعدد کارروائیاں کیں جن میں 50ٹن منشیات ضبط کی گئی جس کی عالمی منڈی میں مالیت تین ارب 98 کروڑ روپے ہے۔

وزیرداخلہ چوہدری نثار نے اے این ایف کی کارکردگی پر اطمینان کا اظہار کرتے ہوئے ڈائریکٹر جنرل اے این ایف کو منشیات کی پیداوار اور اس کی ترسیل کی روک تھام پر خصوصی توجہ دینے کی ہدایت دی تاکہ منشیات کاخاتمہ کیا جاسکے۔

مزید برآں وزیر داخلہ نے ہدایت دی کہ منشیات سے متعلق کیسز کی موثر پیروی کے حوالے سے ادارے کی استعداد کار میں اضافے پر بھی خصوصی توجہ دی جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top