ایچ بی ایل پاکستان سپر لیگ 8 گزشتہ روز اختتام پذیر ہوگیا فائنل میچ سے قبل قذافی اسٹیڈیم میں انسداد پولیو مہم کے حوالے سے تقریب منعقد ہوئی۔
اے آر وائی نیوز کے مطابق ایچ بی ایل پاکستان سپر لیگ 8 کا کامیاب ٹورنامنٹ شاندار انداز میں گزشتہ شب لاہور قلندرز کی فتح کے ساتھ اختتام پذیر ہوگیا۔
یہ ایونٹ جہاں اپنے سنسنی خیز اور اعصاب شکن دلچسپ میچز کی بدولت یاد رہے گا وہیں فائنل میچ کے موقع پر انسداد پولیو مہم کے حوالے سے منعقدہ ایک تقریب بھی شائقین کرکٹ کو یاد رہے گی جو پاکستان میں پولیو کے خاتمے کے عزم کے حوالے سے منعقد کی گئی۔
میچ سے قبل پی سی بی کی جانب سے انسداد پولیو مہم کے حوالے سے تقریب منعقد ہوئی جس میں لاہور قلندرز کے کھلاڑیوں نے شرکت کی اور پولیو ٹیموں سے اظہار یکجہتی کیا۔
اس موقع پر لاہور قلندرز کے کپتان شاہین شاہ آفریدی اور افغان آل راؤنڈر راشد خان نے 5 سال تک کی عمر کے بچوں کو پولیو سے بچاؤ کے قطرے پلائے۔
Together, we can #ENDPOLIO
#PolioFreePakistan🇵🇰 #QalandarHum pic.twitter.com/xNXRNbd95U
— Lahore Qalandars (@lahoreqalandars) March 18, 2023
اس موقع پر پولیو ورکرز نے بتایا کہ ملک میں اب تک ایک کروڑ بارہ لاکھ بچوں کو پولیو سے بچاؤ کے قطرے پلائے جا چکے ہیں۔
