The news is by your side.

Advertisement

اینٹی وائرس کے موجد جان میکافی ٹیکس چوری کے الزام میں گرفتار

واشنگٹن : کمپیوٹر سسٹم کےلیے اینٹی وائرس ایجاد کرنے والے جان میکافی ٹیکس چوری کے الزام میں گرفتار کرلیے گئے۔

غیر ملکی خبر رساں ادارے کی رپورٹ کے مطابق امریکی شہری جان میکافی کو سیکیورٹی اہلکاروں نے یورپی ملک اسپین سے گرفتار کیا ہے، جن پر 2014 سے 2018 تک اثاثے چھپانے اور ٹیکس جمع نہ کرانے کا الزام ہے۔

امریکی محکمہ انصاف کا کہنا ہے کہ کمپیوٹر اینٹی وائرس کے موجد نے اپنی آمدنی بھی دوسروں کے نام پر اکاؤنٹس میں جمع کی ہے۔

امریکی خبر رساں ادارے کی رپورٹ میں کہا گیا ہے کہ جان اینٹی وائرس ایجاد کرنے والے جان میکافی پر اگر ٹیکس چوری اور اثاثے مخفی رکھنے کا الزام ثابت ہوگیا تو انہیں 30 سال تک جیل میں گزارنا ہوں گے۔

خیال رہے کہ جان میکافی سنہ 1980 میں اس وقت خبروں کی زینت بنے تھے جب انہوں نے دنیا کا پہلا اینٹی وائرس سافٹ ویئر (میکافی اینٹی وائرس کے نام سے) ایجاد کرکے انڈسٹری کو اربوں ڈالرز کے ناقابل تلافی نقصان سے بچایا تھا۔

Comments

یہ بھی پڑھیں