لاس اینجلس : ہالی ووڈ کے مشہور ایکشن اداکار انتونیو بانداریس 21 دن بعد کورونا وائرس سے صحت یاب ہوگئے، رواں ماہ انہوں نے اپنی ساٹھویں سالگرہ کرونا زدہ رہ کر منائی تھی۔
ساٹھ سالہ انتونیو بانداریس نے اپنے سوشل میڈیا ہینڈلر کے ذریعے اپنے پرستاروں کو آگاہ کیا کہ کورونا وائرس کی تشخیص کے بعد سے لے کر انہوں نے لمبی مدت کے دوران کس طرح اس انتہائی تکلیف دہ وبائی مرض سے نبرد آزما ہوئے۔
انہوں نے بتایا کہ اس دوران ان کی سالگرہ کا دن جوکہ 10اگست کو ہوتی ہے وہ بھی انھوں نے وبا سے نمٹتے ہوئے گزارا۔ ماسک آف زورو کے حوالے سے ہسپانوی اور میکسیکن حلقوں میں انتہائی مقبول انتونیو بانداریس نے بتایا کہ اکیس روز تک منظم پابندی یا قرنطینہ پر مبنی اس مدت کے بارے میں اب میں یہی کہہ سکتا ہوں کہ آج میں نے کورونا وائرس کو شکست دے دی ہے۔
Después de 21 días de disciplinado confinamiento, puedo decir que he superado la infección por Covid 19. Estoy curado. Va mi pensamiento para aquellos que no lo consiguieron y para los que lo han pasado peor que yo. Ánimo para todos los que están en mitad de la lucha. #Covid pic.twitter.com/IvCtOhjCSF
— Antonio Banderas (@antoniobanderas) August 25, 2020
ان کا مزید کہنا تھا کہ اب میں صحت یاب ہوگیا ہوں، میری توجہ اب ان لوگوں کی جانب ہے جو شاید میرے جتنے خوش نصیب نہ تھے اور انھیں مجھ سے زیادہ پریشانی اٹھانا پڑی۔
میں ان لوگوں کے لیے اپنی نیک خواہشات کا اظہار کرتا ہوں جو کہ ابھی اس بیماری سے لڑنے کے وسط میں ہیں۔ انھوں نے اس موقع پر اپنی صحت یابی کا ہسپانوی زبان میں اعلان کرنے کے ساتھ اپنی ایک تصویر بھی شیئر کی۔
