معروف ٹی وی اداکارہ انعم فیاض کا کہنا ہے انہیں کک باکسنگ کا بے حد شوق ہے اور وہ اس کی مدد سے اپنے آپ کو فٹ رکھتی ہیں۔
انعم فیاض اے آر وائی نیوز کے پروگرام ہمارے مہمان کی مہمان بنیں اور اپنی زندگی کی جھلک دکھلائی، انعم باکسنگ کی بے حد شوقین ہیں اور باقاعدگی سے اس کی پریکٹس کرتی ہیں۔
انعم نے بتایا کہ انہیں شروع سے کچھ مختلف کرنے کا شوق تھا یہی وجہ ہے کہ اپنے آپ کو فٹ رکھنے کے لیے انہوں نے ٹریڈ مل یا جاگنگ کے بجائے کک باکسنگ کا سہارا لیا۔
انہوں نے بتایا کہ ان کی نند بھی کک باکسنگ کرتی ہیں اور وہ انہی سے متاثر ہوئیں، اب وہ دونوں مل کر اپنا باکسنگ کا شوق پورا کرتی ہیں۔
انعم کا کہنا تھا کہ ان کی ٹریننگ کا تقاضہ ہے کہ وہ جنک فوڈ اور مرغن کھانوں سے پرہیز کریں اور سادہ غذا کھائیں لیکن ان کی ساس بہت مزے کے کھانے بناتی ہیں اور ان کا ڈائٹنگ کا ارادہ دھرا کا دھرا رہ جاتا ہے۔
انہوں نے بتایا کہ انہوں نے بچے کی ولادت کے کچھ دن بعد ہی باکسنگ شروع کردی تھی، اپنے انٹرویو میں انعم نے اپنے اہلخانہ سے بھی ملوایا جبکہ اپنی زندگی کے مختلف گوشوں کے حوالے سے بہت کچھ بتایا۔
