بھارت کے مشہور گارسٹ و گلوکار انوو جین نے پاکستانی گلوکار عاطف اسلم سے ملاقات کو زندگی کا خاص لمحہ قرار دیدیا۔
فوٹو اینڈ شیئرنگ ایپ انسٹاگرام پر بھارتی گلوکار انوو جین نے پاکستانی میوزک آئیکون عاطف اسلم کے ساتھ ایک دل کو چھو لینے والے لمحات کی تصویر شیئر کی ہے۔
بھارتی گلوکار انوو جین نے عاطف اسلم سے ملاقات کے بارے میں بتایا اور ان کے ساتھ گانا گانے کو یادگار لمحہ قرار دیتے ہوئے گلوکار کی تعریفوں کی پل باندھ دیے۔
View this post on Instagram
بھارتی گلوکار نے تصویر شیئر کرتے ہوئے کیپشن میں لکھا کہ’ کیا شاندار رات تھی، یہ تصویر رات 3 بجے لی گئی اس سے پہلے عاطف اسلم سر اور ان کے بینڈ نے ایک سادہ سے باربی کیو ڈنر کو ڈھائی گھنٹے پر مشتمل بہترین جیم سیشن بنادیا۔‘
View this post on Instagram
انہوں نے لکھا کہ ’لیجنڈ سے کچھ قدموں کے فاصلے پر بیٹھنا میری زندگی کا سب سے خاص لمحہ ہے، اس خاص رات اور پوری جنریشن کو انسپائر کرنے کیلئے آپ کا شکریہ ‘۔
واضح رہے کہ بھارتی گلوکار انوو جین نے 2018 میں ایک گانا ’بارشیں‘ ریلیز کیا اس گانے کو نئی نسل کی جانب سے بے حد پسند کیا گیا اور گانے پر انسٹا گرام ریلز بھی کثرت سے بنائی گئیں۔
View this post on Instagram
دیکھتے ہی دیکھتے بہت ہی کم وقت میں بھارت گلوکار نے بھارت اور پاکستان میں اپنی پہچان بنالی، ان کی موسیقی کو شائقین کی جانب سے بے حد پسند کیا جاتا ہے۔
