The news is by your side.

Advertisement

انور علی نے ‘نادرن’ سے یقینی فتح چھین لی

راولپنڈی: نیشنل ٹی ٹوئنٹی کپ کے سنسنی خیز مقابلے جاری ہے، قومی کرکٹرز کی جانب سے جارحانہ کھیل نے شائقین کرکٹ کا جوش اور ولولہ مزید بڑھادیا ہے۔

تفصیلات کے مطابق سندھ نے اپنے دوسرے میچ میں کامیابی سمیٹی، اس فتح کے مرکزی کردار آل راؤنڈر انور علی تھے، جنہوں نے جارحانہ کرکٹ کھیلتے ہوئے اپنی ٹیم کو مسلسل دوسری فتح سے ہمکنار کرایا۔

انور علی نے میچ کے سنسنی خیز لمحات میں 23 گیندوں پر 31 رنز کی شاندار اننگز کھیلی، انور علی نے کپتان سرفراز احمد کے ساتھ 45 رنز کی قیمتی پارٹنر شپ قائم کرتے ہوئے ٹیم کو فتح کی جانب گامزن کیا، بدقسمتی سے آل راؤنڈر میچ کا اختتام نہ کرسکے اور آخری لمحات میں پویلین لوٹ گئے۔

یہ بھی پڑھیں: انور علی نے سدرن پنجاب کو تارے دکھا دیے

گذشتہ روز بھی آل راؤنڈر انور علی نے سدرن پنجاب کے خلاف 9 گیندوں پر 29 رنز بنائے تھے، ان کی اننگز میں 2 بلند و بالا چھکے اور تین چوکے شامل تھے، انور علی نے فاسٹ بولر محمد الیاس کی بولنگ پر چھکے اور چوکے لگائے تھے۔

واضح رہے کہ آج راولپنڈی میں کھیلےجارہے نیشنل ٹی ٹوئنٹی کپ کے چھٹے میچ میں سندھ نے نادرن کو سنسنی خیز مقابلے کے بعد چار وکٹوں سے شکست دے کر مسلسل دوسری فتح اپنے نام کی، سندھ نے ناردرن کی جانب سے 137 رنز کا ہدف 19ویں اوور میں حاصل کرلیا۔

سندھ کی جانب سے جارح مزاج بلے باز شرجیل خان نے 43 اور کپتان سرفراز نے 42 رنز بنائے اور ٹیم کی فتح میں اہم کردار ادا کیا۔

Comments

یہ بھی پڑھیں