اے آر وائی ڈیجیٹل کے ڈرامہ سیریل ’آپا شمیم‘ کے ٹیزر نے ناظرین کی توجہ حاصل کرلی۔
ڈرامہ سیریل ’آپا شمیم‘ میں فائزہ حسن، فہد شیخ، منور سعید، سلیم شیخ، زوہا توقیر، راحت غنی، نوین نقوی، سجاد پال، صباحت بخاری، ماہم عامر، احمد رندھاوا ودیگر اداکاری کے جوہر دکھائیں گے۔
ڈرامے کو بگ بینگ بینر تلے بہت جلد نشر کیا جائے گا۔
’آپا شمیم‘ کی ہدایت کاری کے فرائض ذیشان علی زیدی نے انجام دیے ہیں جبکہ اس کی کہانی اسما سیانی نے لکھی ہے۔
ڈرامے میں فائزہ حسن کو منفی کردار میں نبھایا گیا ہے اور وہ اس میں ’شمیم باجی‘ کا کردار نبھا رہی ہیں جو اپنا کلینک کھولنے کی خواہشمند ہیں لیکن ان کے پاس ڈگری موجود نہیں ہوتی۔
’آپا شمیم‘ میں دوسرا مرکزی کردار زوہا توقیر کا ہے اور ان کے کردار کا نام ’کشف‘ ہوگا وہ بھی ڈاکٹر بننا چاہتی ہیں لیکن شمیم باجی ان سے چڑتی ہیں۔
ڈرامے کا ٹیزر گزشتہ روز ریلیز کیا گیا جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
فائزہ حسن اس سے قبل ڈرامہ سیریل ’برنس روڈ کی نیلو فر‘ اور بلاک بسٹر ڈرامے ’نند‘ میں بھی اداکاری کے جوہر دکھا چکی ہیں۔
