کراچی: شہر قائد میں دہشتگردی کے واقع کے بعد ایپکس کمیٹی نے آپریشن میں تیزی کرنے کی منظوری دے دی۔
وزیراعٖلٰی سندھ گورنر سندھ کی زیر صدرارت ایپکس کمیٹی کے اجلاس میں فیصلہ کیا گیا کہ شہید ملٹری اہلکاروں کی تحقیقات اعلیٰ سطح پر کی جائیں گی، تحقیقات میں پولیس، رینجرزسمیت اعلیٰ حکام شریک ہونگے۔
ایپکس کمیٹی کے اجلاس میں فیصلہ کیا گیا کہ کراچی میں جاری ٹارگیٹڈ آپریشن کاعمل تیز کیا جائے گا، اجلاس میں مشیراطلاعات نے کہا کہ کورکمانڈرنے پولیس کی کارکردگی پرعدم اطمنان کااظہارنہیں کیا پولیس میں 8ہزارنئی بھرتیاں ہوں گی۔
اجلاس میں کراچی شہر میں لگے سی سی ٹی وی کیمروں کو بہتر بنانے کا فیصلہ کیا گیا جبکہ سندھ میں انسداد دہشت گردی کی30نئی عدالتیں بنائی جائیں گی، جس کے گواہوں، وکیلوں اورتفتیشی افسروں کوسیکیورٹی دی جائیگی۔
ایپکس کمیٹی کے اجلاس میں امام حسین کے چہلم کے موقع پر سیکیورٹی انتظامات کا بھی جائزہ لیا گیا جبکہ پانچ دسمبر کو ہونیوالے بلدیاتی انتخابات کے سیکیورٹی انتظامات پر بھی غور کیا گیا۔
وزیراعلی کی زیر صدارت اجلاس میں گورنرسندھ، کور کمانڈر کراچی، ڈی جی رینجرز، سیکریٹری داخلہ، آئی جی سندھ سمیت اعلیٰ سیاسی و عسکری حکام نے بھی شرکت کی۔
