site
stats
اہم ترین

اپیکس کمیٹی کا اہم اجلاس آج کراچی میں ہوگا

کراچی : اپیکس کمیٹی کا اہم اجلاس آج ہوگا۔ اجلاس میں بعض ذرائع کے اندرون سندھ میں کالعدم تنظیموں کی جانب سےمضبوط نیٹ ورک کے قیام کےدعویٰ پرکراچی آپریشن کادائرہ اندرون سندھ تک بڑھانےپر بات ہوگی۔

شہرقائد میں امن و امان کی صورتحال بہتربنانےکیلیےآج سول اورملٹری سمیت اعلی حکام سرجوڑکر بیٹھیں گے۔ اجلاس میں دہشت گردوں کی سرکوبی کیلیے جاری کراچی میں ٹارگیٹڈ آپریشن کاجائزہ لیاجائیگاجبکہ گذشتہ روزفوجی جوانوں پر حملے اور امن و امان کی مجموعی صورتحال کےتناظرمیں آئندہ کی حکمت عملی طے کی جائیگی۔

ایپکس کمیٹی کے اجلاس میں شہدائے کربلا کے چہلم کےموقع پر سیکیورٹی انتظامات کا بھی جائزہ لیا جائیگا اور انہیں مزید موثر بنانے کیلیے متعلقہ اداروں کو ہدایات جاری کی جائینگی۔

پانچ دسمبر کو ہونیوالے بلدیاتی انتخابات کے سیکیورٹی انتظامات بھی زیر غور ہونگے جبکہ دہشت گردوں کے مقدمات فوجی عدالتوں میں بھیجنے کے حوالے سے بھی اہم فیصلے متوقع ہیں۔

وزیراعلی کی زیر صدارت اجلاس میں گورنرسندھ، کور کمانڈر کراچی، ڈی جی رینجرز، سیکریٹری داخلہ، آئی جی سندھ سمیت اعلیٰ سیاسی و عسکری حکام بھی شرکت کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top