پشاور : خیبرپختونخواہ کی ایپکس کمیٹی نے فیصلہ کیاہے کہ باچاخان یونی ورسٹی پرحملہ کی تحقیقات سے متعلق کمیٹی قائم کی جائےگی، جوپانچ روزکے اندراپنی رپورٹ پیش کرے گی۔
تفصیلات کے مطابق باچاخان یونی ورسٹی پرحملے کے بعد اپیکس کمیٹی کا اہم اجلاس گورنرہاؤس پشاورمیں گورنر سردار مہتاب عباسی کی زیر صدارت ہوا،جس میں وزیراعلیٰ خیبرپختونخواہ اورکورکمانڈرپشاورسمیت دیگراعلی حکام نے شرکت کی۔
اجلاس میں باچاخان یونی ورسٹی پرحملے کی تحقیقات میں پیش رفت کاجائزہ لیا گیا اورفیصلہ کیا گیا کہ کمشنر پشاورکی سربراہی میں کمیٹی حملہ کے روزیونیورسٹی میں سیکورٹی انتظامات کاجائزہ لیکراپنی رپورٹ مرتب کرےگی۔
کمیٹی سیکورٹی پرغفلت کی نشاندہی ہونے پرذمہ داروں کاتعین کرےگی، اجلاس میں دہشت گردی کی روک تھام کے لئے بارڈرمنیجمنٹ کے حوالے سے مسائل کے ازالے کے لئے موثراقدامات پرزوردیا گیا۔
اپیکس کمیٹی میں یہ بھی فیصلہ کیا گیا کہ تعلیمی اداروں میں سیکورٹی کے مطلوبہ انتظامات نہ کرنے پرذمہ داروں کے خلاف کارروائی عمل میں لائے جائےگی۔
