تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

آپریشن متاثرین کی واپسی کو یقینی بنایا جائے،آرمی چیف

پشاور : آرمی چیف جنرل راحیل شریف کا کہنا ہے کہ شمالی علاقہ جات میں متاثرین کی واپسی کو یقینی بنایا جائے اور ترقیاتی منصوبوں کو جلد مکمل کیا جائے۔

تفصیلات کےمطابق خیبرپختونخواہ کے دارالحکومت پشاور میں آرمی چیف جنرل راحیل شریف کی زیر قیادت ایپکس کمیٹی کا اعلیٰ سطح اجلاس ہوا،جس میں ڈی جی آئی ایس آئی لیفٹیننٹ جنرل رضوان اختر،کورکمانڈر پشاور ہدایت الرحمان،ڈی جی آئی ایس پی آر لیفٹیننٹ جنرل عاصم باجوہ سمیت صوبائی حکام نے شرکت کی۔

اجلاس میں آرمی چیف جنرل راحیل شریف کو آپریشن ضرب عضب میں حاصل کی جانے والی نمایاں کامیابیوں پر بریفنگ دی گئی جس پر پاک فوج کے سربراہ نے اطمینان کا اظہار کیا۔

پاک فوج کے سربراہ جنرل راحیل شریف کو دہشت گردوں کے سلیپر سیلز کے خاتمے کے لیے کیے جانے والے کومبنگ آپریشن سے متعلق بھی آگاہ کیا گیا۔

آرمی چیف جنرل راحیل شریف نے کورکمانڈر پشاور کو ہدایت کی کہ شمالی علاقہ جات میں آپریشن کی وجہ سے متاثر ہونے والے قبائلیوں کی واپسی کے ساتھ ساتھ ترقیاتی منصوبوں کو جلد از جلد مکمل کیاجائے۔

مزید پڑھیں: را معصوم لوگوں‌ کا خون بہا رہی ہے،راحیل شریف،جرمنی میں خطاب

یاد رہے کہ گزشتہ روز جرمنی میں یو ایس سینٹ کام کے زیر اہتمام کانفرنس سے خطاب کرتے ہوئے آرمی چیف جنرل راحیل شریف کا کہنا تھا کہ بھارت نہیں چاہتا کہ مسئلہ کشمیر حل ہو، بھارتی خفیہ ادارے را سمیت دشمن ایجنسیاں معصوم افراد کا خون بہانے کی حکمت عملی پر عمل پیرا ہیں۔

Comments

- Advertisement -