اسلام آباد: وزیرِاعظم نواز شریف نے اپیکس کمیٹی کا اجلاس دس ستمبر کو اسلام آباد میں طلب کرلیا ہے، وفاقی حکومت کا کہنا ہے کہ فلاحی کاموں کی آڑ میں رقم کے غیر قانونی استعمال کی اجازت نہیں دی جا سکتی۔
تفصیلات کے مطابق قومی ایکشن پلان پر عملدرآمد اور اب تک کی کارروائی پر غور کیلئے ایپکس کمیٹی کا اجلاس دس ستمبر کو اسلام آباد میں طلب کرلیا گیا، اجلاس میں آرمی چیف اور چاروں وزرائے اعلی اور صوبائی چیف سیکریٹریز بھی شرکت کریں گے، وفاقی حکومت نے کہا ہے کہ دہشتگردی اور کرپشن کے معاملے میں کوئی بھی رکاوٹ برداشت نہیں کیجائے گی۔
ذرائع کے مطابق یہ بات بھی واضح کی گئی ہے کہ فلاحی کاموں کی آڑ میں رقم کے غیر قانونی استعمال کی اجازت نہیں د ی جا سکتی ، وفاقی حکومت کا کہنا ہے کہ الطاف حسین کی تقریر کا معاملہ عدالت میں ہے، حکومت اس سلسلہ میں کچھ نہیں کرسکتی، سیاسی سرگرمیوں کی آڑ میں جرائم پیشہ افراد کو پناہ دینے کی اجازت نہیں دی جائے گی۔
