پشاور: آرمی چیف جنرل راحیل شریف کا کہنا ہے فاٹا میں دہشت گردوں کے ٹھکانے تباہ کرکے ریاست کی رٹ بحال کردی، دہشت گردی کےخلاف تعاون پرقبائلی عوام پرفخرہے۔
فاٹا میں دہشت گردوں کی کمین گاہیں تباہ، ریاست کی رٹ بحال ، اب تعمیر نو کا مشکل ٹاسک کرنا پورا ہے،آرمی چیف نے اس عزم کا اظہارخصوصی ایپکس کمیٹی کی اہم نشست میں کیا، کور ہیڈ کوارٹرزپشاور میں اہم اجلاس منعقد کیا گیا جس میں گورنر ، وزیر اعلی ، کور کمانڈر سمیت اعلی حکام نے شرکت کی۔
اجلاس میں بحالی کے کاموں اور فوجی آپریشن میں پیش رفت کا جائزہ ، قبائلی علاقوں سے بے گھر افراد کے لئے وفاق کی جانب سے فنڈز کی عدم دستیابی پر تشویش کابھی اظہار کیا گیا۔
جنرل راحیل شریف نے ہدایت کی کہ تعمیرنو کے عمل میں درپیش رکاوٹیں فوری ختم کی جائیں، نقل مکانی کرنےوالوں کی جلد بحالی یقینی بنائی جائے، آرمی چیف کا کہنا تھا کہ قبائلی بھائیوں کےساتھ کیے گئے وعدےپورےکریں گے، دہشت گردی کے خلاف تعاون پرقبائلی عوام پر فخر ہے۔