ستمبر میں متعارف ہونے جا رہے آئی فون 15 پرو کی تصاویر ابھی سے لیک ہو گئی ہیں۔
تفصیلات کے مطابق آئی فون 15 سیریز کے پرو ماڈل کے ممکنہ ڈیزائن کی تصاویر سامنے آ گئی ہیں، ایپل کے نئے آئی فون ماڈلز ستمبر میں متعارف کرائے جائیں گے۔
ایپل مصنوعات کے حوالے سے خبروں اور افواہوں کی تفصیلات جاری کرنے والی ویب سائٹ 9to5mac نے آئی فون 15 پرو کے تصویری خاکے پوسٹ کیے ہیں، جن سے پتا چلتا ہے کہ آئی فون 15 پرو میں ٹائٹینئم فریم استعمال کیا جائے گا۔
Apple iPhone 15 Pro renders.#iPhone #iPhone15Pro #Apple pic.twitter.com/2SRhwAtyJR
— Abhishek Yadav (@yabhishekhd) April 8, 2023
اس حوالے سے مزید لیکس سے پتا چلتا ہے کہ آئی فون 15 پرو اور پرو میکس میں پیری اسکول زوم کیمرے بھی دیے جانے کا امکان ہے، اور ان دونوں فونز کے کیمروں میں ایک نئی سنسر ٹیکنالوجی بھی متعارف کرائی جا سکتی ہے جو زیادہ روشنی کو جذب کرنے کی صلاحیت رکھتی ہوگی۔
آئی فون 15 میں صارفین کے مطالبے پر بڑی تبدیلی
واضح رہے کہ ایپل کی جانب سے آئی فون 15 سیریز میں چارجنگ کے لیے یو ایس بی ٹائپ سی پورٹ دیے جانے کا امکان ہے، جس کا مطالبہ صارفین کافی عرصے سے کر رہے ہیں۔