دنیا کی بڑی ٹیکنالوجی کمپنی ایپل نے ایک اہم کمانڈ تبدیل کرنے کی تیاری کر لی ہے۔
دی ورج کی رپورٹ کے مطابق ایپل نے ’ہے سری‘ کمانڈ کو صرف ’سری‘ میں تبدیل کرنے کی تیاری کر لی۔ رپورٹ میں کہا گیا ہے کہ ایپل نے اپنے ’Hey Siri‘ وائس اسسٹنٹ کے ٹرگر فیز کو صرف ’Siri‘ میں تبدیل کرنے کے لیے ایک پروجیکٹ پر کام شروع کیا ہے۔
بلومبرگ کے مارک گورمین کے مطابق یہ نیا فیچر پچھلے کئی مہینوں سے تیار کیا جا رہا ہے اور امکان ہے کہ اسے اگلے سال یا 2024 میں ریلیز کر دیا جائے گا۔
اس کا مطلب ہے کہ اسمارٹ اسسٹنٹ کو ایکٹیویٹ کرنے کے لیے صارفین کو صرف سری اور اس کے بعد ایک کمانڈ کہنے کی ضرورت ہوگی۔
رپورٹ میں کہا گیا ہے کہ فیچر کے مؤثر طریقے سے کام کرنے کے لیے کمپنی کو AI ٹریننگ اور انجینئرنگ کا کام کرنے کی ضرورت ہے، کیوں کہ اسمارٹ اسسٹنٹ کو مختلف زبانوں میں ایک ہی لفظ کو پہچاننے کی ضرورت ہوگی۔
ٹوئٹر کے بعد میٹا سے بھی بری خبر
رواں برس کے شروع میں ایپل نے آئی او ایس 15.4 کے بیٹا میں اپنے سری وائس اسسٹنٹ کے لیے پانچویں ’امریکی‘ آواز متعارف کرائی تھی، ایپل کے ’صارف فیسنگ انٹرفیس‘ نے اسے وائس 5 کہا تھا۔
